ބ. ހުރާފަރު ސަރަހައްދަކީ ބ. އަތޮޅުގައި ޙިމާޔަތްކޮށްފައިވާ ހަނިފަރު ސަރަހައްދުގެ އުތުރަށް އޮންނަ ހަނިފަރާއި އެއްގޮތް ސިފަތަކެއް ހުންނަ ސަރަހައްދެކެވެ. މި ގޮތުން، މި ސަރަހައްދުގައި ޕްލާންކްޓަންސް ޖަމާވެ، އެއްމަޑި މި ސަރަހައްދަށް އެއްވާ ކަމަށް ރެކޯޑް ކުރެވިފައިވެއެވެ. 2020 ގެ ނިޔަލަށް މި ސަރަހައްދުން 436 އެންމަޑި 1239 ފަހަރު ފެނިފައިވެއެވެ. އަދި މި ސަރަހައްދަކީ އެންމަޑި ކާނާ ހޯދުމަށާއި، ވިހާ އާލާވުމަށް މުހިއްމު ސަރަހައްދެކެވެ. ބ. އަތޮޅަކީ ދުނިޔޭގެ ފެންވަރުގައި އެންމަޑީގެ ބޮޑު އާބާދީއެއް އުޅޭ ސަރަހައްދެއް ކަމަށްވުމުން އެންމަޑީގެ މިފަދަ މާހައުލުތައް ޙިމާޔަތްކުރުމަކީ ވަރަށް މުހިއްމު ކަމެކެވެ. މީގެ އިތުރުން މި ސަރަހައްދުގައި އޮންނަ ހުރާފަރު ފިނޮޅަކީ އައިންމަތީ ދޫނީގެ މުހިއްމު މާހައުލެކެވެ. މި ސަރަހައްދުގެ އޮއިވަރު ދެމެހެއްޓުމަށް މި ފިނޮޅަށް ބަދަލެއް ނުގެނެސް ޙިމާޔަތްކުރުމަކީ މުހިއްމު ކަމެކެވެ.