ގޮއިދޫ ކޯރު ސަރަހައްދަކީ ބ. އަތޮޅުގައި އޮންނަ އެންމެ ބޮޑު ކުޅިއެވެ. އަދި މިއީ ގުދުރަތީ ގޮތުން މުއްސަނދި, އަދި ދިވެހިރާއްޖޭގެ ނިސްބަތުންވެސް އެންމެ ބޮޑު އެއް ކުޅީގެ ނިޒާމެވެ. މި ސަރަހައްދު ގުދުރަތީގޮތުން މުއްސަނދިވުމުގެ އިތުރުން ކުޅި ފަދަ ތަންތަނުގައި އުޅޭ ދިރުންތައް މި ސަރަހައްދުން ގިނަ އަދަދަކަށް ފެނެއެވެ. މިއީ އިރުވައި މޫސުމުގައި ރަތަފައާއި ރޭރާއި އެހެނިހެންވެސް ދިވެހިރާއްޖޭގައި އުޅޭ ދޫނިތަކާއި އަދި ދިވެހިރާއްޖެއަށް އަންނަ ހިޖުރަކުރާ ދޫނިތައް ނިދުމަށް ބޭނުންކުރާ ސަރަހައްދެކެވެ.