ލ.ހިތަދޫ ކުޅި ސަރަހައްދަކީ ހިތަދޫގެ ހުޅަނގު ދެކުނުގައި އޮންނަ މޫދާއި ގުޅިފައިވާ ލޮނުފެނުގެ ކުޅިއެކެވެ. މިއީ މޫދާއި ގުޅިފައިވާ ކުޅިއެއްކަމުން ފަރުގެ ދިރުންތައް ވިހާ އާލާވާ ނާސަރީއެއްގެ ދައުރުއަދާކުރެއެވެ. ކުޅިފާ ޗަސްބިމުގައި ހެދޭ ގަސްގަހާގެހީގެ ތެރެއިން ރަނޑޫ (Red Mangrove / Rhizophora mucronata) ، ކަރަމަނަ Yellow Mangrove / Ceriops tagal))، އަދި ބުރެވި (Black Mangrove / Lumnitzera racemose) ހުރިކަމަށް ރެކޯޑް ކުރެވިފައިވެއެވެ. މީގެ އިތުރުން، ކުޅި ފާ ޗަސްބިން ސަރަހައްދަކީ ރަށުގެ ފެންފަށަލަ ތާޒާކޮށްދޭ، ރަށްގިރުމުން ސަލާމަތްކޮށްދޭ އަދި ރަށުގައި ފެންބޮޑުވުމުގެ ފުރުޞަތު ކުޑަކޮށް ދިނުމަށް މުހިއްމު ދައުރެއް އަދާކުރާ ސަރަހައްދެކެވެ. އަދި ދުނިޔެ ހޫނުވުން ކުޑަކޮށްދިނުމަށް ކާބަންޑައިއޮކްސައިޑް ރައްކާތެރިކޮށް ހިފަހައްޓާ "ކާބަން ސިންކް" ތަކެކެވެ.