ނ. ކެނދިކުޅުދޫ ކުޅި
N. Kendhikulhudhoo Wetland
- ނ
މި ސަރަހައްދާ ބެހޭ
ނަކްޝާ ލޯޑް ވަނީ…
މެޕް ލޯޑް ނުވި. ކަނެކްޝަން ޗެކްކޮށް އަލުން މަސައްކަތް ކުރައްވާ.
ކެނދިކުޅުދޫ އަކީ ނ. އަތޮޅުގެ ހެނބަދޫ އިރުމަތީގައި އޮންނަ247 ހެކްޓަރުގެ ރުއްގަސްގިނަ ރަށެކެވެ. މިރަށަކީ ޤުދުރަތީގޮތުންނާއި ތިމާވެށީގެ ގޮތުން ޚާއްސަ ސިފަތަކެއް ލިބިގެންވާ، ދިރޭތަކެތީގެ ނަޞްލުތަކުން މުއްސަނދި ރަށެކެވެ. މިގޮތުން މިރަށުގެ ގުދުރަތީ މުއްސަނދިކަން އެންމެ ބޮޑަށް ދައްކުވައިދެނީ މިރަށުގައިވާ ރާއްޖޭގެ ނިސްބަތުންވެސް ބޮޑު ކުޅިންނާއި ކަނޑޫފަލުންނެވެ. މިރަށަކީ ބިންގަނޑުގެ މުއްސަނދިކަން ރަނގަޅު ގިނަ އަދަދަކަށް ގަސްހެދިފައި އޮންނަ ކަނޑޫފަލެއް އޮންނަ ރަށެކެވެ. މިރަށުގެ ދިރޭތަކެތީގެ ނަސްލާއިބެހޭ މަޢުލޫމާތާއި ރަށުގައި ހުރި ޚާއްސަ ސިފަތަކާއި ސަރަހައްދުތަކާއި ދިރުންތައް ވަނީ ދިރާސާތަކުގެ އަލީގައި ދެނެގަނެވިފައެވެ. މިރަށަކީ މީހުން ދިރިއުޅޭ ރަށެއްކަމުން މިރަށުގެ މި ނާޒުކު ތިމާވެށި ހިމާޔަތްކުރުމަކީ ވަރަށްވެސް ބޮޑު އިސްކަމެއްދީ ކުރަން މުހިންމު ކަމެކެވެ. ކެނދިކުޅުދޫ ކުޅި އަކީ ތިމާވެށީގެ ގޮތުން ޚާއްސަ ސިފަތަކެއް ލިބިގެންވާ، ވެށީގެ މުއްސަނދިކަން ދައްކުވައިދޭ ސަރަހައްދެކެވެ. މިސަރަހައްދުގެ ޚާއްސަ ސިފަތައް 3 ބަޔަކަށް ބެހިފައިވެއެވެ. އެއީ ކަނޑޫފާ ސަރަހައްދުގައި ދިރިއުޅޭ ދޫނި އާއި ދިރޭތަކެތީގެ ނަސްލުތަކާއި އެސަރަހައްދުގައިވާ މުހިންމު ގަސްގަހާގެހި އަދި ވެލާ ބިސްއަޅާ ސަރަހައްދުތަކެވެ. މިރަށުގެ އިރުން އަދި އުތުރުން ބޮޑު ދެ ކުޅި އޮވެއެވެ. މިރަށުގެ ކުޅީ ސަރަހައްދުގައި ގިނަ އަދަދަކަށް އިރުވައިހުދާއި، ފިނދަނަ ، ރާބޮނދި، ދޮން ރާބޮނދި، މާކަނާ އަދި ބޮނޑަނަ ދިރިއުޅެއެވެ. އަދި މިރަށަކީ ކަނޑުމަތީ ދޫނީވެސް ގިނަ އަދަދަކަށް ނިދަން އަރާ ރަށެކެވެ. އެގޮތުން ކިރުދޫނި އަދި ދަނޑިފުޅު ދޫނި މިރަށުން ގިނަ އަދަދަކަށް ފެނެއެވެ. މި ހުރިހާ ދޫންޏަކީ ރާއްޖޭގައި ހިމާޔަތްކުރެވިފައިވާ ދޫނި ކަމުން އެސޮރުމެންގެ ވެށި ހިމާޔަތްކުރުމަކީ ވަރަށްވެސް މުހިންމު ކަމެކެވެ. މިރަށުގެ ކުޅި ސަރަހައްދުގައި ތަފާތު ވައްތަރުގެ ގުދްރަތީގޮތުން މުހިންމު ގަސްތައް ފާހަގަކޮށްލެވެއެވެ. މިރަށަކީ މިއަތޮޅުންވެސް އެންމެ ގަސްބޯ ޖަންގައްޔެއްހެން ހެދިފައިވާ ރަށެކެވެ. ކަނޑުފާ ސަރަހައްދުގައި ކަނޑޫ، ރަނޑޫ، ކަރަމަނަ ގަސްތައް ވަރަށްބިޔަކޮށް ހެދިފައިވެއެވެ. އަދި މީގެ އިތުރުން މިރަށުގެ އެކި ދިމާއިން މީހުން ކެއުމައް ބޭނުންކުރާ ކުއްޅަވައް ގަސްވެސް ފެނެއެވެ.މިރަށުގެ ކުޅީގައި ގިނަ އަދަދަކަށް ބޭންގު ވިހާ އާލާވެއެވެ. އަދި މިރަށުގެ ކުޅީގައި އެކުއަރކަލްޗަރގެ ވިޔަފާރި ކުރެއެވެ. އެހެންކަމުން މިރަށުގެ ކުޅީގެ ދިރުންތަކަށް އެކަމުގެ ނޭދެވޭ އަސަރުކުރުމަކީ ގާތްކަމެކެވެ. މިކުޅިއަކީ ހިމާޔަތްކުރުން މުހިންމު ކުޅިއެކެވެ. ކެނދިކުޅުދޫ ގޮނޑުދޮށަކީ ވެލާ ކަހަނބު ބިސްއަޅާ ސަރަހައްދެކެވެ. ވެލާ ކަހަނބުގެ އާބާދީ ދަމަހައްޓަން، އެސޮރުމެން ބިސްއަޅާ ސަރަހައްދުތައް ހިމާޔަތްކުރުމަކީ މުހިންމުކަމެކެވެ.
ގަވާއިދުތައް
ޒިޔާރަތްކުރާއިރު މި ގަވާއިދުތަކަށް އަމަލުކުރައްވާ.
-
މި ސަރަހައްދުގައި ތެޔޮ، ގޭސް ނުވަތަ އެއްވެސް ބާވަތެއްގެ މައުދަނެއް ހޯދުމަށް ދިރާސާކުރުމާއި، މައިން ކުރުމަކީ މަނާކަމެއް
މި ސަރަހައްދުގައި ތެޔޮ، ގޭސް ނުވަތަ އެއްވެސް ބާވަތެއްގެ މައުދަނެއް ހޯދުމަށް ދިރާސާކުރުމާއި، މައިން ކުރުމަކީ މަނާކަމެކެވެ. -
އެއްވެސް ބާވަތެއްގެ ކުނި އެޅުމަކީ މަނާކަމެކެވެ.
-
މި ސަރަހައްދުގައި ބިން ހިއްކުމާއި ފަޅު ފުންކުރުމަކީ މަނާކަމެކެވެ.
-
މި ސަރަހައްދުން ގައު، ވެލި، މުރަކަ، އަކިރި މެގުމަކީ މަނާކަމެކެވެ.
-
އެއްވެސް "ޕޮލިއުޓެންޓެއް" ދޫކުރުން ނުވަތަ/އަދި ބޭރުވާ ގޮތަށް އައުޓްފޯލް ބެހެއްޓުން
-
ެއެކުއާކަލްޗަރ ނުވަތަ މެރިކަލްޗަރ ގެ މަސައްކަތްކުރުން
-
އެއްވެސް ދިރުމެއްގެ ބިސް ނެގުން ނުވަތަ /އަދި ހާއްޔައް ގެއލުން ދިނުން
-
އެއްވެސް ބާވަތެއްގެ ދިރުމެއް ތަޢާރަފުކުރުން
-
މަސްމަހާ މެއްސާއި ދޫނިސޫފާސޫފި ހިމެނޭ ގޮތަށް، އެއްވެސް ދިރޭ އެއްޗަކަށް ކާންދިނުން ނުވަތަ ކާންއެޅުން
-
މި ސަރަޙައްދު އަލިވާގޮތަށް ރޭގަނޑު ދިއްލުން
-
މިތަނުގައިވާ ދިރުންތަކުގެ އާދަކާދައަށް ބުރޫއަރާގޮތަށް އަޑުގަދަ ކުރުން
ބުކިންގްތަކާއި ފީ
- ދިއުމަށް
- މަގުދެއްކުން (އާ ޓެބެއްގައި ހުޅުވޭ)
މައުންޓެން ބައިސްކަލް ރެންޓްކުރުން
މިއީ ކަނޑައެޅިފައިވާ ސަރަހައްދުތަކުގައި މައުންޓެން ބައިސްކަލް ދުއްވުމަށް ދެވޭ ބުކިންގ ސާވިސްއެކެވެ.
ބެޓަރީ ބައިސްކަލް ރެންޓްކުރުން
މިއީ ކަނޑައެޅިފައިވާ ސަރަހައްދުތަކުގައި ބެޓަރީ ބައިސްކަލް ދުއްވުމަށް ދެވޭ ބުކިންގ ސާވިސްއެކެވެ.
-
ހުރިހާ މީހުން
- މައުންޓެން ބައިސްކަލް ރެންޓްކުރުން
- ރުފިޔާ 20 ކޮންމެ މީހަކަށް، ކޮންމެ ވަގުތަކަށް
- ބެޓަރީ ބައިސްކަލް ރެންޓްކުރުން
- ރުފިޔާ 30 ކޮންމެ މީހަކަށް، ކޮންމެ ވަގުތަކަށް
ކޮންމެ ފީއެއް ވަނީ އެއް ވަގުތު ބަޔަކަށް. ޒިޔާރަތްކުރާ ބާވަތުން (ދިވެހި ރައްޔިތުން, ރިސޯޓް, ގެސްޓް ހައުސް, ލިވްއެބޯޑް, ބިދޭސީން, ފަތުރުވެރިން) ކަނޑައެޅެނީ ކޮން ފީއެއްކަން. ނޭނގޭނަމަ ބުކިންގ ކުރުމުގެ ކުރިން އޮފީހާ ގުޅާ.
ޕާމިޓްސް
-
Apply on their portal: ދިރާސާކުރުމުގެ ހުއްދަ (އާ ޓެބެއްގައި ހުޅުވޭ)
ދިރާސާކުރުމުގެ ހުއްދަ
Issued by ެެއެންވަޔަރަންމަންޓަލް ރެގިއުލޭޓަރީ އޮތޯރިޓީ (އީ.އާރު.އޭ)
މިއީ ޙިމާޔަތްކޮށްފައިވާ ސަރަހައްދުތަކުގައި ރިސާޗްކުރުމަސް ދޫކުރެވޭ ޕާމިޓްއެކެވެ. މި ޕާމިޓް ދޫކުރަނީ އެންވަޔަރަންމަންޓަލް ރެގިއުލޭޓަރީ އޮތޯރިޓީ (އީ.އާރު.އޭ) އިންނެވެ. ރިސާޗް ޕާމިޓް އަކަށް އެދި ހުށަހެޅުމަށް ތިރީގައިވާ ލިންކް ބޭނުންކުރައްވާ.
މަޢުލޫމާތު
- ސްޓޭޓަސް
- ޑެޒިގްނޭޓެޑް
- ޖުމްލަ އޭރިއާ
- 494.00 ހެކްޓަރ
- ޑަބްލިއު.ޑީ.ޕީ.އޭ އައިޑީ
- 555697564
- ޤުދުރަތީ އަދި ޠަބީޢީގޮތުގައި ރައްކައުތެރިކޮށް ދަމަހައްޓާ ގިންތި
- ގިންތި 7 - ޕްރޮޓެކްޓެޑް އޭރިއަރ ވިތު ސަސްޓެއިނަބްލް ޔޫޒް
- ހިމާޔަތް ކުރެވުނު ތާރީހު
- 16 ޖޫން 2019
ގެލަރީ
ރިސޯސަސް
ނޮލެޖް ރިޕޮޒިޓަރީގައި ހުޅުވާރީޒޯނޭޝަން
-
ނ.ކެނދިކުޅުދޫ ކުޅި ރީޒޮނޭޝަން އިއުލާން 23ޖަނަވަރީ2020
ފަންނީ މަގުދައްކުމާއި މިންގަނޑުތައް 2020 PDF ދިވެހި
ޢިއުލާން
-
ބޮޑުތިލަދުންމަތީ 11 ސަރަޙައްދު_އިނގިރޭސި
ޤާނޫނުތަކާއި، ގަވާއިދުތަކާއި، ސިޔާސަތުތައް PDF އިނގިރޭސި ދިވެހި ނުސްޚާއެއް ނެތް
-
ބޮޑުތިލަދުންމަތީ 11 ސަރަޙައްދު
ޤާނޫނުތަކާއި، ގަވާއިދުތަކާއި، ސިޔާސަތުތައް PDF ދިވެހި
ގުޅުއްވާ
ޒިޔާރަތަށް ބުކިން ކުރޭ
ޚިދުމަތެއް އަދި ވަގުތެއް އިޚްތިޔާރުކޮށް، ބުކިންގ އެދުން ފޮނުއްވުމަށް ސައިން އިން ވާންޖެހޭނެ.