ކޮންޓެންޓަށް ދޭ
ދިވެހިރާއްޖޭގެ ޙިމާޔަތްކުރެވިފައިވާ ސަރަހައްދުތައް

ނ. އޮރިމަސް ތިލަ

N. Orimas Thila

މި ސަރަހައްދާ ބެހޭ

ނަކްޝާ ލޯޑް ވަނީ…

މެޕް ލޯޑް ނުވި. ކަނެކްޝަން ޗެކްކޮށް އަލުން މަސައްކަތް ކުރައްވާ.

އޮރިމަސްތިލަ އަކީ ނ.ފެލިވަރާ 5 ކިލޯމީޓަރު ހުޅަނގުން އޮންނަ ފުންތިލަ އެކެވެ. މިސަރަހައްދަކީ ނ. އަތޮޅުގައި ފީނުމަށް ބޭނުންކުރާ މުހިންމު ސަރަހައްދެކެވެ. މިތިލައަކީ މަސްމަހާމެހި ގިނަ އަދި މުރަކައިގެ މުއްސަނދިކަން ލިބިފައިވާ ރީތި ކުޑަ ގާމަތީ ތިލައެކެވެ. މިތިލަ އަކީ ގިނަ އަދަދަކަށް ވައްބޯ މިޔަރު (ގްރޭ ރީފް ޝާކް) ފެންނަ ސަރަހައްދެކެވެ. މި ތިލައިގެ ބޮޑުބައި ހެދިފައިވަނީ ބޮޑެތި ގާތަކުންނެވެ. މިގާތަކުގެ އަރިމަތީ ހެދިފައި ހުންނަ ހޮހަޅަތައް ހުންނަނީ މުރަކަ، މަޑު މުރަކައާއި ސްޕޮންޖްއިން ފުރާލެވިފައެވެ. މިތިލައިގައި ކުރެވުނު ސާރވޭތަކުން ދައްކާގޮތުގައި ތަފާތު 27 ބާވަތެއްގެ މަސްމަހާމެހިވަނީ ރެކޯޑްކުރެވިފައެވެ. އެގޮތުން ކަނޑުމަސް އަދި ހަނދި އައިންތަކާއި ތަފާތު ވައްތަރުގެ ފަރުމަސް ގިނަ އަދަދަކަށް މިސަރަހައްދުން ފެނެއެވެ. އަދި މުރަކައިގައި ދިރިއުޅޭ ތަފާތު ކުލަކުލައިގެ ކުދިމަސްވެސް މިތިލައިގައި ގިނަ އަދަދަކަށް އޮވެއެވެ. މިސަރަހައްދަކީ ރާއްޖެއިން ވަރަށް މަދުން ފެންނަ މަހެއް ކަމުގައިވާ ކޯބިއާވެސް ފެންނަ ސަރަހައްދެކެވެ. މި ތިލަ އަކީ ރާއްޖޭގައި ހިމާޔަތްކޮށްފައިވާ ދިރުންތައް ގިނަ އަދަދަކަށް ފެންނަ ސަރަހައްދެކެވެ. އެގޮތުން މިތިލައިގެ އެންމެ ޚާއްސަ ސިފައަކީ އައިން ހަދާފައި 100 އަށް ވުރެ ގިނައިން ފެންނަ ވައްބޯ މިޔަރެވެ. މީގެ އިތުރުން އޮޅުފަތި މިޔަރާއި ރާއްޖެއިން މަދުން ފެންނަ ފާނަ މިޔަރުވެސް މިތިލައިން ފެނެއެވެ. ހިމާޔަތް ކުރެވިފައިވާ ވެލާ ކަހަނބާއި، މަޑި އަދި ފާނަ މިސަރަހައްދުން ފެނެއެވެ.

ޒިޔާރަތްކުރާނެ ގޮތް. މި ސަރަހައްދަށް އޮންލައިންކޮށް ބުކިންގ ކުރެވޭކަށް ނެތް. މަޢުލޫމާތަށް އަޅުގަނޑުމެންނާ ގުޅާ.

ޕާމިޓްސް

  • ދިރާސާކުރުމުގެ ހުއްދަ

    Issued by ެެއެންވަޔަރަންމަންޓަލް ރެގިއުލޭޓަރީ އޮތޯރިޓީ (އީ.އާރު.އޭ)

    މިއީ ޙިމާޔަތްކޮށްފައިވާ ސަރަހައްދުތަކުގައި ރިސާޗްކުރުމަސް ދޫކުރެވޭ ޕާމިޓްއެކެވެ. މި ޕާމިޓް ދޫކުރަނީ އެންވަޔަރަންމަންޓަލް ރެގިއުލޭޓަރީ އޮތޯރިޓީ (އީ.އާރު.އޭ) އިންނެވެ. ރިސާޗް ޕާމިޓް އަކަށް އެދި ހުށަހެޅުމަށް ތިރީގައިވާ ލިންކް ބޭނުންކުރައްވާ.

    Apply on their portal: ދިރާސާކުރުމުގެ ހުއްދަ (އާ ޓެބެއްގައި ހުޅުވޭ)

މަޢުލޫމާތު

ސްޓޭޓަސް
ޑެޒިގްނޭޓެޑް
ޖުމްލަ އޭރިއާ
46.10 ހެކްޓަރ
ޑަބްލިއު.ޑީ.ޕީ.އޭ އައިޑީ
555697561
ޤުދުރަތީ އަދި ޠަބީޢީގޮތުގައި ރައްކައުތެރިކޮށް ދަމަހައްޓާ ގިންތި
ގިންތި 7 - ޕްރޮޓެކްޓެޑް އޭރިއަރ ވިތު ސަސްޓެއިނަބްލް ޔޫޒް
ހިމާޔަތް ކުރެވުނު ތާރީހު
16 ޖޫން 2019

ޢިއުލާން

  • ބޮޑުތިލަދުންމަތީ 11 ސަރަޙައްދު_އިނގިރޭސި

    ޤާނޫނުތަކާއި، ގަވާއިދުތަކާއި، ސިޔާސަތުތައް PDF އިނގިރޭސި ދިވެހި ނުސްޚާއެއް ނެތް

  • ބޮޑުތިލަދުންމަތީ 11 ސަރަޙައްދު

    ޤާނޫނުތަކާއި، ގަވާއިދުތަކާއި، ސިޔާސަތުތައް PDF ދިވެހި